Accolta
A spugliata di Ficaghjola, un strattu di Ci hè da ride di Ghjiseppu Turchini
A piuma scherzosa di l’autore face di stu stalvatoghju pescu in u patrimoniu urale un opera umuristica di e più fine chì porta à testimunienza di a risa pupulare, di u spiritu vivu è creatore di a sucetà isulana.
A spugliata di Ficaghjola
Orsu Paulu avia da falà in Bastia, à vede l’oculista. Una donna di gran valore chì avia fattu alti studii in cuntinente è chì n’avia medicatu unepochi in paese. À senteli parlà, tutti eranu suddesfi da e so cure ; è serà stata vera chì, per un sì per un nò, turnavanu à cunsultà ind’è elIa. Ogni scusa facia : cateratte maligne, vista inturbidita, abbagliulimi è altre pene in capu : era una vera impiaghjera ! Orsu Paulu ùn stede tantu à capisce chì a dutturessa era dunata di qualità altre chè prufessiunale. Fece a so inchiesta : belIa, distinta, citatina, a signora l’avia tutte. Moltu più chì ùn li mancava a più alta virtù : s’era sempre figlia !
L’indumane, in primaghjornu, s’era incamminatu. Da Lucciana à Bastia, ùn ci vulia tantu : trè orette à chì viaghjava in furia è duie à chì và pianu, dicia l’altru. L’idea di scopre u visu fatatu di a dutturessa, u prugettu d’intraprendela per seducela l’accurtonu a strada. I belli sogni vi danu l’ale : à sei ore di mane era digià in San Ghjisè. A Bastia s’era sempre cheta è addrumintata. Quand’eIlu s’accorse ch’ellu era cusì anticipatu, decise d’andà à rinfriscassi un suppulu à A Funtana di Ficaghjola. Cum’ellu si chjappava A Falata, si pisò una ruchjatella acellina : cardelline è cinciriole. Piglionu versu A Citatella. Orsu Paulu ghjunse à u pozzu di u lavatoghju. Fece una piantata à a nichja di a Madonna è si signò.
O chì piacè di truvà quell’acqua fresca è linda ! À batticciu di mare. À pensalla ! Paria falata da Monte Cintu. Si varcò di pettu sopra à a vasca. U so visu si spechjava sopr’à l’ onda : « Hì ! Chì spaventu ! si disse, crosciu lapidu, spettinatu, sbragagliulatu, pargu un banditu d’onore. S’è tù voli fà u galant’omu, ti tocca à presentà un antru mustacciu ! ». Lampò una fidighjata à l’ingiru : nimu. « S’hè sempre à bon’ora. Aiò, lavati à pena chì à a to dutturessa, li garberanu di più i citatini induminicati è imbalsamati chè i paisani rustichì è sudati ! ».
Si scamisgiò è si dede un’acquata in pettu. Suddesfu, si disse : « Trà ch’ o ci sò, lasciami caccià scarpi è braghe. Pulitu per pulitu, ch’ellu sia ognicosa ! ». À trè passi da u pozzu, una muraglietta li purghjia e so berrette piane. Ci allibrò i so panni è ciuttò pedi è anche in l’acqua. Strufinatu ch’ellu si fù, ne pensa un’antra : « Ah ! Per falla in regula, ci vulerebbe à tene contu ancu di u sottucurrighjolu ». Lampò un ochju à diritta è à manca : ùn si sentia mancu un zittu, nemmenu si vidia un’anima. « Aiò chì quì ùn anscia un fiatu ! ». Si spugliò. Pisendu u capu, li cullò in visu una buffulata di russore : pensate ! Nudu in Cristu davanti à a Madonna ! Aibò ! Si signò è stinzò u bracciu da azziccà u calzunettu à una rambella di fica vicina. In carnetta cum’è Adamu à u prima ghjornu, in quell’edenu di Ficaghjola ch’ ùn avia mai cusì bè purtatu u so nome, s’appruntava à lavassi l’ultimu membru.
Ma u Diavule face è po sona a campanella. Ùn avia ancu à fà un gestu ch’ ellu intese u vucialatu. Di colpu, cum’è un fulmine, si rigirò : « perdingulina ! ». Falavanu trè donne ! Fior di Lice, Giuditta è Urtensia andavanu à l’acqua : « O Giudì, serà fresca sta mane ? ». A dumanda sifirmò senza risposta : da u spetaculu ch’ eIla vide, Fior di Lice mancò di strangulassi. Li scappò un mughjettu seccu seccu.
L’indumane, in primaghjornu, s’era incamminatu. Da Lucciana à Bastia, ùn ci vulia tantu : trè orette à chì viaghjava in furia è duie à chì và pianu, dicia l’altru. L’idea di scopre u visu fatatu di a dutturessa, u prugettu d’intraprendela per seducela l’accurtonu a strada. I belli sogni vi danu l’ale : à sei ore di mane era digià in San Ghjisè. A Bastia s’era sempre cheta è addrumintata. Quand’eIlu s’accorse ch’ellu era cusì anticipatu, decise d’andà à rinfriscassi un suppulu à A Funtana di Ficaghjola. Cum’ellu si chjappava A Falata, si pisò una ruchjatella acellina : cardelline è cinciriole. Piglionu versu A Citatella. Orsu Paulu ghjunse à u pozzu di u lavatoghju. Fece una piantata à a nichja di a Madonna è si signò.
O chì piacè di truvà quell’acqua fresca è linda ! À batticciu di mare. À pensalla ! Paria falata da Monte Cintu. Si varcò di pettu sopra à a vasca. U so visu si spechjava sopr’à l’ onda : « Hì ! Chì spaventu ! si disse, crosciu lapidu, spettinatu, sbragagliulatu, pargu un banditu d’onore. S’è tù voli fà u galant’omu, ti tocca à presentà un antru mustacciu ! ». Lampò una fidighjata à l’ingiru : nimu. « S’hè sempre à bon’ora. Aiò, lavati à pena chì à a to dutturessa, li garberanu di più i citatini induminicati è imbalsamati chè i paisani rustichì è sudati ! ».
Si scamisgiò è si dede un’acquata in pettu. Suddesfu, si disse : « Trà ch’ o ci sò, lasciami caccià scarpi è braghe. Pulitu per pulitu, ch’ellu sia ognicosa ! ». À trè passi da u pozzu, una muraglietta li purghjia e so berrette piane. Ci allibrò i so panni è ciuttò pedi è anche in l’acqua. Strufinatu ch’ellu si fù, ne pensa un’antra : « Ah ! Per falla in regula, ci vulerebbe à tene contu ancu di u sottucurrighjolu ». Lampò un ochju à diritta è à manca : ùn si sentia mancu un zittu, nemmenu si vidia un’anima. « Aiò chì quì ùn anscia un fiatu ! ». Si spugliò. Pisendu u capu, li cullò in visu una buffulata di russore : pensate ! Nudu in Cristu davanti à a Madonna ! Aibò ! Si signò è stinzò u bracciu da azziccà u calzunettu à una rambella di fica vicina. In carnetta cum’è Adamu à u prima ghjornu, in quell’edenu di Ficaghjola ch’ ùn avia mai cusì bè purtatu u so nome, s’appruntava à lavassi l’ultimu membru.
Ma u Diavule face è po sona a campanella. Ùn avia ancu à fà un gestu ch’ ellu intese u vucialatu. Di colpu, cum’è un fulmine, si rigirò : « perdingulina ! ». Falavanu trè donne ! Fior di Lice, Giuditta è Urtensia andavanu à l’acqua : « O Giudì, serà fresca sta mane ? ». A dumanda sifirmò senza risposta : da u spetaculu ch’ eIla vide, Fior di Lice mancò di strangulassi. Li scappò un mughjettu seccu seccu.
- Oh! È mì à què! disse Urtensia, a si piglia à bon’ora per u bagnu !
- Mmm mmm ! Eccu e tenute !
- Imbeh, poca bucata nò ! Quì simu à stendi stendi !
- Eh! À pendi pendi sì !
- Ah ma quessa, basta una cavichja è s’incorda !
- Vesti un steccu, pare un vescu hà dettu l’altru !
Orsu Paulu avia intesu tuttu : « Fussila puru ch’o truvessi da vestelu ! » si pensò u Burghisgianu, « Ohimè ! Cumu aghju da fà avà ? ».
Ùn ebbe tempu à riflette tantu : d’istintu s’agguantò u calzunettu è si ne cuprì ocellu è partite per ùn stà in... vergogna. Per lu Pincu ! Ma tandu l’avianu da cunnosce è sterebbe per pruverbiu in a cità di Bastia ! Ùn li firmava chè una suluzione. Pigliò u pannuculu è u si schjuccò in capu.Tale un palatinu di A Filitosa, si firmò instantaratu, magazinu in mostra è robba à spendichera. E trè Sanghjisippane s’eranu avvicinate. Eranu di quelle chì li ci ne vulia di più per spaventalle. Vistu, n’avianu vistu d’altre... è d’altri. Ghjunte à una decina di passi di u sfurtunatu, lanciò Giuditta :
- Mmm mmm! Mì custì!. Ùn ci hè male !
Orsu Paulu ùn ansciava. O s’ellu avissi pussutu esse un pidochju tandu ! U capu ingutuppatu inde quella scuffia di furtuna, li si paria di cunsumassi.
Di callu è di disunore. Ùn avia animu à move mancu un ditu.
- Guardalu bè, guardalu tuttu, l’omu nudu cum’ ellu hè bruttu ! disse Urtensia, è dopu ad avè cunsideratu, dimu... a situazione :
- O Giudì, quessu ùn hè u to maritu !
- No, rispose a cummare : ùn hè mancu di San Ghjisè !
- Aùh ! aghjustò Fior di Lice, nè mancu di Bastia ! .
- Eh! À pendi pendi sì !
- Ah ma quessa, basta una cavichja è s’incorda !
- Vesti un steccu, pare un vescu hà dettu l’altru !
Orsu Paulu avia intesu tuttu : « Fussila puru ch’o truvessi da vestelu ! » si pensò u Burghisgianu, « Ohimè ! Cumu aghju da fà avà ? ».
Ùn ebbe tempu à riflette tantu : d’istintu s’agguantò u calzunettu è si ne cuprì ocellu è partite per ùn stà in... vergogna. Per lu Pincu ! Ma tandu l’avianu da cunnosce è sterebbe per pruverbiu in a cità di Bastia ! Ùn li firmava chè una suluzione. Pigliò u pannuculu è u si schjuccò in capu.Tale un palatinu di A Filitosa, si firmò instantaratu, magazinu in mostra è robba à spendichera. E trè Sanghjisippane s’eranu avvicinate. Eranu di quelle chì li ci ne vulia di più per spaventalle. Vistu, n’avianu vistu d’altre... è d’altri. Ghjunte à una decina di passi di u sfurtunatu, lanciò Giuditta :
- Mmm mmm! Mì custì!. Ùn ci hè male !
Orsu Paulu ùn ansciava. O s’ellu avissi pussutu esse un pidochju tandu ! U capu ingutuppatu inde quella scuffia di furtuna, li si paria di cunsumassi.
Di callu è di disunore. Ùn avia animu à move mancu un ditu.
- Guardalu bè, guardalu tuttu, l’omu nudu cum’ ellu hè bruttu ! disse Urtensia, è dopu ad avè cunsideratu, dimu... a situazione :
- O Giudì, quessu ùn hè u to maritu !
- No, rispose a cummare : ùn hè mancu di San Ghjisè !
- Aùh ! aghjustò Fior di Lice, nè mancu di Bastia ! .
Ghjiseppu Turchini, Ci hè da ride, Ed. Albiana, 2016
