Trà u stolu di testi indiati, messi in musica da parechji gruppi, u geniu di a canzona Ditemi , putenza litteraria è puetica chì hà marcatu u so tempu, hè di sugerisce un messagiu puliticu cù un diolocu lacrimosu trà un zitellu chì mughja u so addisperu circhendu à verità è a so mamma chjosa in u so silenziu chì ùn li vole riponde. Scritta in umagiu à i prigiuneri pulitichi d’eri sta canzona sfida u tempu.
È vale pè quelli d’oghje...
È vale pè quelli d’oghje...
Ditemi
O Mà chì vulia ditti Troppu spessu stemu zitti Tù in un scornu è eu in quill'altru Quantu ci manca lu passu Di quellu chì ghjè quallà Per azzicacci la pena Sò ci parlessimu à pena Tantu sò a verità
Ma sì muta o Mà Ma sì muta
M'anu insignatu di ditu: "Hè figliolu di banditu!" Toccu quant'è mi sò intesu Po cù lu mio pugnu tesu Lu nostru populu offesu Babbu sempre l'hà difesu Quale di voi ùn la sà U lindumane à bon'ora Tempu simu intrat'in scola Nant'à lu nostru tavulone Foscu più chè una prigione Una manu di zitellu C'avia postu un acellu biancu È scrittu: libertà!
Ma sì muta o Mà Ma sì muta
Sai, avà, dettu lu corsu Ci mettimu à parlà corsu Emu tutti à u curughjolu Un nome di macchjaghjolu Eiu, hai induvinatu Portu lu nome di Babbu Ch'elli c'anu incarceratu Ch'elli c'anu… T'arricord'issa matina I nostri sogni in pulvina Ellu solu, elli sei Manittatu mani è pedi Po lu si, l'anu purtatu Ghjustu s'ellu c'hà basgiatu Quant'ellu era curagiosu Babbu caru u to sposu
Ma sì muta o Mà Ma sì muta
Da u mio più prufondu sognu Ogni ghjornu cresce un frombu Ghjè quellu d'un aviò Chì partendu à le prigiò Mi sbranguleghja lu capu Mi trapaneghja lu core Mi discetu è vecu à Babbu Incatinatu è prontu à more È tù chì ùn vole parlà Dimmi ch'ellu hà da vultà! Dimmi ch'ellu hà da vultà! Dite ch'ellu hà da vultà
Ma sì muta o Mà Ma sì muta
M'anu insignatu di ditu: "Hè figliolu di banditu!" Toccu quant'è mi sò intesu Po cù lu mio pugnu tesu Lu nostru populu offesu Babbu sempre l'hà difesu Quale di voi ùn la sà U lindumane à bon'ora Tempu simu intrat'in scola Nant'à lu nostru tavulone Foscu più chè una prigione Una manu di zitellu C'avia postu un acellu biancu È scrittu: libertà!
Ma sì muta o Mà Ma sì muta
Sai, avà, dettu lu corsu Ci mettimu à parlà corsu Emu tutti à u curughjolu Un nome di macchjaghjolu Eiu, hai induvinatu Portu lu nome di Babbu Ch'elli c'anu incarceratu Ch'elli c'anu… T'arricord'issa matina I nostri sogni in pulvina Ellu solu, elli sei Manittatu mani è pedi Po lu si, l'anu purtatu Ghjustu s'ellu c'hà basgiatu Quant'ellu era curagiosu Babbu caru u to sposu
Ma sì muta o Mà Ma sì muta
Da u mio più prufondu sognu Ogni ghjornu cresce un frombu Ghjè quellu d'un aviò Chì partendu à le prigiò Mi sbranguleghja lu capu Mi trapaneghja lu core Mi discetu è vecu à Babbu Incatinatu è prontu à more È tù chì ùn vole parlà Dimmi ch'ellu hà da vultà! Dimmi ch'ellu hà da vultà! Dite ch'ellu hà da vultà
Ghjuvanteramu Rocchi