Accolta
Bandera in dolu, Una puesia di GHJuvanpaulu Casta
Dettu da GHJuvanpaulu Casta
Bandera in dolu - JP Casta.mp3 (1014.42 Ko)
U scrittu
Bandera in dolu
- Mettitemi à mez'asta
Chì oghje sò stonde brusgiate
A voce chì persuade
Di quellu chì hà dettu basta
Stu ghjornu si n'hè andata
Da u celu dumandata
Di u solcu di a storia nova
A vumera ellu n'hè fù
D'ùn cunosce a schiavitù
Ellu n'hà fattu a prova
Cù a leva di u Settanta
Hà fattu strada tamanta
Nant' à so maglia arancina
E spalle di u so fratellu
Nant' u pettu di u zitellu
Nant'à maglietta turchina
Indè_u mondu m'anu vistu
Chì era u Riacquistu
Era pront' à capitulà
Aspettava a mo sorte
Ma più alta è più forte
Aghju torna dà sventulà
Chì ci_hà mustratu a strada
Di a libertà suminata
L'autunumia corsa
Ùn l'averà micca vista
Solu autunumista
Ne hà vistu a bella mossa
Ellu, grande omu d'innasta
Di e lotte ne fù a casta
