Accolta
U stalvatoghju di l'omu cuntentu. un salvatoghju di Ghjiseppu Turchini
Dettu da Marcellu Montisci
U salvatoghju di l'om. (2.73 Mo)
U scrittu
U stalvatoghju di l'omu cuntentu
U cunniscite u stalvatoghju di l'omu cuntentu ?
Allora ch'o vi conti : una volta ci era un rè .
Avia cinque figlioli , tutti astuti è magnifichi. U più zitellu,magaru,era sempre picondriu.
Vensenu tanti duttori à circà à curallu ma ùn ci fù l'arte ; u cininu stava tristu cum'è un cane.
Tandu, causa persa, u munarcu fece chjamà u Magu di l'Elpali.
Dopu cunsultatu u criampulu, quellu sentenziò : « À pudè salvà stu zitellu ci hè una
cosa sola : buscateli a camisgia di l'Omu cuntentu è ch'ellu a purtessi trè settimane ! »
U rè ùn fece nè tò nè mò : mandò subitu millaie di sullati in tuttu u reame. Durante
mesi è mesi i cavalieri scrucionu e stese di u signoru. Ogni volta ch'elli truvavanu un
paese , dumandavanu à l'abitanti qual'era u più felice di i soi è u spiculavanu.
Ogni volta era listessa litania : di qualcosa l'omu si lagnava sempre.
Un ghjornu, infine dui sullati capitonu nù un paisolu persu.
Accapatisi d'un omu cuntentu l'indittonu u stazzunaru lucale è andetenu à truvallu.
Era in pettu à l'alcodine è martellava ferru cun garbu.
« - Site felice ? Li dissenu.
-|Ùn aghju da esse felice ? Manghju eiu, manghjanu a mo moglia è i mo figlioli !
- Iè, ma qualcosa po vi falterà chè ? |
- Manc'appena ! Campu nù un paradisu assuliatu à i pede di i monti, ci corre l'acqua
di a vadina è ci cantanu l'acelli tutta a ghjurnata ch'aghju da vulè di più ?
- Ma u vostru travagliu hè duru chè ?
- Facciu u più bellu mistieru di u mondu ! »
L'avianu puru trovu ! Li dumandonu subitu :
« - O amicu,vi pudemu chere a vostra camisgia? Hè pè u figliolu di u rè.
Tandu u stazzunaru si cacciò u so scurzale di coghju è rispose, spettulatu :
« - Seria stata più ch'è vulinteri ma guardate : camisgia, eiu,|ùn ne aghju !
Cusì nacque u pruverbiu : l'omu cuntentu ùn avia camisgia.
Eccula a vera muralità :
A vita hè bella à chì a sà piglià,
À chì si sà cuntentà di ciò ch'ellu hà,
À chì ne sà ride prima ch'è di pienghjene
À panza in terra ! Ghjiseppu Turchini-Edizione Albiana
U cunniscite u stalvatoghju di l'omu cuntentu ?
Allora ch'o vi conti : una volta ci era un rè .
Avia cinque figlioli , tutti astuti è magnifichi. U più zitellu,magaru,era sempre picondriu.
Vensenu tanti duttori à circà à curallu ma ùn ci fù l'arte ; u cininu stava tristu cum'è un cane.
Tandu, causa persa, u munarcu fece chjamà u Magu di l'Elpali.
Dopu cunsultatu u criampulu, quellu sentenziò : « À pudè salvà stu zitellu ci hè una
cosa sola : buscateli a camisgia di l'Omu cuntentu è ch'ellu a purtessi trè settimane ! »
U rè ùn fece nè tò nè mò : mandò subitu millaie di sullati in tuttu u reame. Durante
mesi è mesi i cavalieri scrucionu e stese di u signoru. Ogni volta ch'elli truvavanu un
paese , dumandavanu à l'abitanti qual'era u più felice di i soi è u spiculavanu.
Ogni volta era listessa litania : di qualcosa l'omu si lagnava sempre.
Un ghjornu, infine dui sullati capitonu nù un paisolu persu.
Accapatisi d'un omu cuntentu l'indittonu u stazzunaru lucale è andetenu à truvallu.
Era in pettu à l'alcodine è martellava ferru cun garbu.
« - Site felice ? Li dissenu.
-|Ùn aghju da esse felice ? Manghju eiu, manghjanu a mo moglia è i mo figlioli !
- Iè, ma qualcosa po vi falterà chè ? |
- Manc'appena ! Campu nù un paradisu assuliatu à i pede di i monti, ci corre l'acqua
di a vadina è ci cantanu l'acelli tutta a ghjurnata ch'aghju da vulè di più ?
- Ma u vostru travagliu hè duru chè ?
- Facciu u più bellu mistieru di u mondu ! »
L'avianu puru trovu ! Li dumandonu subitu :
« - O amicu,vi pudemu chere a vostra camisgia? Hè pè u figliolu di u rè.
Tandu u stazzunaru si cacciò u so scurzale di coghju è rispose, spettulatu :
« - Seria stata più ch'è vulinteri ma guardate : camisgia, eiu,|ùn ne aghju !
Cusì nacque u pruverbiu : l'omu cuntentu ùn avia camisgia.
Eccula a vera muralità :
A vita hè bella à chì a sà piglià,
À chì si sà cuntentà di ciò ch'ellu hà,
À chì ne sà ride prima ch'è di pienghjene
À panza in terra ! Ghjiseppu Turchini-Edizione Albiana
